Abraham, die vader van ‘n menigte van nasies

Lees Génesis 24.

“Daarom sal hulle jou nie meer Abram noem nie, maar jou naam sal wees Abraham, want Ek maak jou 'n vader van 'n menigte van nasies.”

‭‭GÉNESIS‬ ‭17‬:‭5‬ ‭AFR53‬‬

Dikwels vind ons skaduwees in die Ou Testament van dit wat later gebeur in die Nuwe Testament. Ons hemelse Vader het Abraham uitgekies om ons aardse vader te wees. Abraham (Strong’s H 85) beteken “vader van ‘n menigte”. Abraham is ‘n skaduwee van ons Hemelse Vader. Abraham moes daarom ook bereid wees om sy seun Isak as ‘n offer te bring - Génesis 22.

Isak is ‘n skaduwee van Jesus. Abraham se dienaar is God se werkers wat ‘n bruid vind vir Isak. Dit kon nie enige bruid wees nie; dit moes ‘n vrou wees wat die dienaar vrywillig sou volg tot by Isak. Die bruid (Rebekka) moes uit Abraham se familie kom. Christene is dienaars en die bruid, wat nou deel geword het van God se familie.

Ons hemelse Vader het die mense duisende jare voor Jesus reeds voorberei vir Sy koms. Die Vader is in werklikheid “die Vader van ‘n menigte”. Jesus is Sy enigebore Seun, wat Sy lewe opgeoffer het. Ons is die bruid, maar ook dienaars wat Jesus met ander deel. Ons moet God se koninkryk bou en Sy familie uitbrei.