BID OPREGTE GEBEDE

Die Bybel gee baie instruksies oor gebed.

 

• Moenie bid sodat mense jou raaksien nie.
• Daar is privaat binnekamer gebed, gebede vir ‘n spesifieke doel in die openbaar bv. lê hande op ‘n siek persoon en dan is daar stap met die Vader waar jy net gesels, soos Adam en Eva in die koel aanwindjie.
• Bid tot die Vader, in Jesus se naam.
• Gebruik min woorde.
• Fokus op die Vader en nie op jouself nie.
• Gee eer aan die Vader.
• Die Vader se wil moet geskied.
• Die VURIGE gebed het groot krag.
• Selfsug en ‘n begeerte om in beheer te wees kan maak dat jy verkeerd bid.
• Ons kan bid vid om wysheid.
• Jy moet geloof hê wanneer jy bid.
• Wanneer ons saam bid sal ons ontvang wat ons vra.
• Eenheid in gebed is belangrik.
• Jesus en die Heilige Gees tree in vir ons.
• Bid sonder ophou.

 

“En wanneer jy bid, moet jy nie wees soos die geveinsdes nie; want hulle hou daarvan om in die sinagoges en op die hoeke van die strate te staan en bid, om deur die mense gesien te word. Voorwaar Ek sê vir julle dat hulle hul loon weg het. Maar jy, wanneer jy bid, gaan in jou binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde. En as julle bid, gebruik nie 'n ydele herhaling van woorde soos die heidene nie, want hulle dink dat hulle deur hul baie woorde verhoor sal word. Moet dan nie soos hulle word nie, want jul Vader weet wat julle nodig het voordat julle Hom vra. Só moet julle dan bid: Onse Vader wat in die hemele is, laat u Naam geheilig word; laat u koninkryk kom; laat u wil geskied, soos in die hemel net so ook op die aarde; gee ons vandag ons daaglikse brood; en vergeef ons ons skulde, soos ons ook ons skuldenaars vergewe; en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.”

‭‭MATTHÉÜS‬ ‭6‬:‭5‬-‭13‬ ‭AFR53‬‬

 

“En hulle het die stem van die Here God gehoor terwyl Hy wandel in die tuin in die aandwindjie; en die mens en sy vrou het hulle verberg vir die aangesig van die Here God tussen die bome van die tuin.”

‭‭GÉNESIS‬ ‭3‬:‭8‬ ‭AFR53‬‬

 

“Is daar iemand siek onder julle? Laat hom die ouderlinge van die gemeente inroep, en laat hulle oor hom bid nadat hulle hom in die Naam van die Here met olie gesalf het. En die gebed van die geloof sal die kranke red, en die Here sal hom oprig. Selfs as hy sonde gedoen het, sal dit hom vergewe word. Bely mekaar julle misdade en bid vir mekaar, sodat julle gesond kan word. Die vurige gebed van 'n regverdige het groot krag.”

‭‭JAKOBUS‬ ‭5‬:‭14‬-‭16‬ ‭AFR53‬‬

 

“WAARVANDAAN kom oorloë en vegterye onder julle? Kom hulle nie hiervandaan, van julle welluste wat in julle lede stryd voer nie? Julle begeer en julle het nie, julle pleeg moord en is naywerig en julle kan niks verkry nie. Julle veg en maak oorlog, en julle het nie, omdat julle nie bid nie. Julle bid en julle ontvang nie, omdat julle verkeerd bid, om dit in julle welluste deur te bring.”

‭‭JAKOBUS‬ ‭4‬:‭1‬-‭3‬ ‭AFR53‬‬

 

“En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word. Maar hy moet in die geloof bid, sonder om te twyfel; want hy wat twyfel, is soos 'n golf van die see wat deur die wind gedrywe en voortgesweep word. Want dié mens moenie dink dat hy iets van die Here sal ontvang nie — so 'n dubbelhartige man, onbestendig in al sy weë.”

‭‭JAKOBUS‬ ‭1‬:‭5‬-‭8‬ ‭AFR53‬‬

 

“Voorwaar, voorwaar Ek sê vir julle, wie in My glo — die werke wat Ek doen, sal hy ook doen; en hy sal groter werke doen as dit, omdat Ek na my Vader gaan. En wat julle ook al in my Naam mag vra, dit sal Ek doen, sodat die Vader in die Seun verheerlik kan word.”

‭‭JOHANNES‬ ‭14‬:‭12‬-‭13‬ ‭AFR53‬‬

 

“Bet. Vertrou op die Here, en doen wat goed is; bewoon die aarde en beoefen getrouheid, en verlustig jou in die Here; dan sal Hy jou gee die begeertes van jou hart. Gimel. Laat jou weg aan die Here oor en vertrou op Hom, en Hý sal dit uitvoer;”

‭‭PSALMS‬ ‭37‬:‭3‬-‭5‬ ‭AFR53‬‬

 

“Voorwaar Ek sê vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees. Weer sê Ek vir julle: As twee van julle saamstem op die aarde oor enige saak wat hulle mag vra, dit sal hulle ten deel val van my Vader wat in die hemele is. Want waar twee of drie in my Naam vergader, daar is Ek in hul midde.”

‭‭MATTHÉÜS‬ ‭18‬:‭18‬-‭20‬ ‭AFR53‬‬

 

“Maar Ek bid nie vir hulle alleen nie, maar ook vir die wat deur hulle woord in My sal glo — dat almal een mag wees net soos U, Vader, in My en Ek in U; dat hulle ook in Ons een mag wees, sodat die wêreld kan glo dat U My gestuur het. En Ek het hulle die heerlikheid gegee wat U My gegee het, sodat hulle een kan wees, net soos Ons een is.”

‭‭JOHANNES‬ ‭17‬:‭20‬-‭22‬ ‭AFR53‬‬

 

“En net so kom ook die Gees ons swakhede te hulp, want ons weet nie reg wat ons moet bid nie, maar die Gees self tree vir ons in met onuitspreeklike sugtinge. En Hy wat die harte deursoek, weet wat die bedoeling van die Gees is, omdat Hy ooreenkomstig die wil van God vir die heiliges intree.”

‭‭ROMEINE‬ ‭8‬:‭26‬-‭27‬ ‭AFR53‬‬

 

“Daarom kan Hy ook volkome red die wat deur Hom tot God gaan, omdat Hy altyd leef om vir hulle in te tree.”

‭‭HEBREËRS‬ ‭7‬:‭25‬ ‭AFR53‬‬

 

“Wie is dit wat veroordeel? Christus is dit wat gesterf het, ja, meer nog, wat ook opgewek is, wat ook aan die regterhand van God is, wat ook vir ons intree.”

‭‭ROMEINE‬ ‭8‬:‭34‬ ‭AFR53‬‬