DIE VOLHEID VAN GOD

Jesus is die beeld van die onsienlike God en in Hom is die volheid van God.

“Hy is die Beeld van die onsienlike God, die Eersgeborene van die hele skepping; want in Hom is alle dinge geskape wat in die hemele en op die aarde is, wat sienlik en onsienlik is, trone sowel as heerskappye en owerhede en magte — alle dinge is deur Hom en tot Hom geskape. En Hy is voor alle dinge, en in Hom hou alle dinge stand. En Hy is die Hoof van die liggaam, naamlik die gemeente; Hy wat die begin is, die Eersgeborene uit die dode, sodat Hy in alles die eerste kan wees. Want dit het die Vader behaag dat in Hom die ganse volheid sou woon”

‭‭KOLOSSENSE‬ ‭1‬:‭15‬-‭19‬ ‭AFR53‬‬

Meeste Christene steek vas by Jesus wat die volheid van God is, maar daar is meer.

“Want in Hom woon al die volheid van die Godheid liggaamlik; en julle het die volheid in Hom wat die Hoof is van alle owerheid en mag;”

‭‭KOLOSSENSE‬ ‭2‬:‭9‬-‭10‬ ‭AFR53‬‬

In Christus het ons ook die volheid van God ontvang en daarom kan ons die “groter werke” (Johannes 14:12) doen tot in alle ewigheid.

“OM hierdie rede buig ek my knieë voor die Vader van onse Here Jesus Christus, van wie elke geslag in die hemele en op die aarde sy naam ontvang, dat Hy aan julle mag gee na die rykdom van sy heerlikheid om met krag versterk te word deur sy Gees in die innerlike mens, sodat Christus deur die geloof in julle harte kan woon, julle wat in die liefde gewortel en gegrond is, en julle in staat kan wees om saam met al die heiliges ten volle te begryp wat die breedte en lengte en diepte en hoogte is, en die liefde van Christus te ken wat die kennis oortref, sodat julle vervul kan word tot al die volheid van God. En aan Hom wat mag het om te doen ver bo alles wat ons bid of dink, volgens die krag wat in ons werk, aan Hom die heerlikheid in die gemeente in Christus Jesus deur alle geslagte tot in ewigheid! Amen.”

‭‭EFÉSIËRS‬ ‭3‬:‭14‬-‭21‬ ‭AFR53‬‬