Gebed moet gepaard gaan met geloof

Petrus is gevangene geneem en die gemeente het aanhoudend vir hom gebid. Toe hulle gebed verhoor word was hulle verbaas. Ons sal ontvang wanneer ons reg bid. Die vurige gebed van ‘n gelowige het groot krag. Geloof is ‘n noodsaaklike deel van jou gebed.

“So is Petrus dan in die gevangenis bewaak; maar daar het 'n aanhoudende gebed tot God deur die gemeente vir hom opgegaan.

En toe Petrus aan die deur van die poort klop, het 'n diensmeisie met die naam van Rhodé gegaan om te hoor wie daar was. En sy het die stem van Petrus herken en van blydskap die poort nie oopgemaak nie, maar na binne gehardloop en vertel dat Petrus voor die poort staan. Maar hulle sê vir haar: Jy is van jou verstand af. Maar sy het volgehou dat dit so is. Daarop sê hulle: Dit is sy engel. En Petrus het aangehou met klop; en toe hulle oopmaak, sien hulle hom en was verbaas.”

‭‭HANDELINGE‬ ‭12‬:‭5‬, ‭13‬-‭16‬ ‭AFR53‬‬

“Julle bid en julle ontvang nie, omdat julle verkeerd bid, om dit in julle welluste deur te bring.”

‭‭JAKOBUS‬ ‭4‬:‭3‬ ‭AFR53‬‬

“Daarom sê Ek vir julle: Alles wat julle in die gebed vra, glo dat julle dit sal ontvang, en julle sal dit verkry.”

‭‭MARKUS‬ ‭11‬:‭24‬ ‭AFR53‬‬

“Ek sê vir julle dat Hy gou aan hulle reg sal doen; maar as die Seun van die mens kom, sal Hy wel die geloof op die aarde vind?”

‭‭LUKAS‬ ‭18‬:‭8‬ ‭AFR53‬‬

“En die gebed van die geloof sal die kranke red, en die Here sal hom oprig. Selfs as hy sonde gedoen het, sal dit hom vergewe word.”

‭‭JAKOBUS‬ ‭5‬:‭15‬ ‭AFR53‬‬

“Maar hy moet in die geloof bid, sonder om te twyfel; want hy wat twyfel, is soos 'n golf van die see wat deur die wind gedrywe en voortgesweep word. Want dié mens moenie dink dat hy iets van die Here sal ontvang nie — so 'n dubbelhartige man, onbestendig in al sy weë.”

‭‭JAKOBUS‬ ‭1‬:‭6‬-‭8‬ ‭AFR53‬‬