GEEN VREES VIR DIE TOEKOMS NIE

Baie mense maak ons bang vir die toekoms. Matthéüs 24 en die boek Openbaring is vol negatiewe dinge wat in die toekoms gaan gebeur. God sal op Sy tyd en Sy manier die duiwel en sy volgelinge oordeel. Christene is veilig by Jesus in elke situasie. Psalms 91 verseker ons dat God en Sy engele ons altyd beskerm. Vir Christene moet dit dien as motivering om alles te doen waarvoor God hulle geroep het.

“Jy hoef nie bang te wees vir 'n skielike skrik of vir die ondergang van die goddelose as dit kom nie; want die Here sal jou vertroue wees, en Hy sal jou voet bewaar vir die strik.”
‭‭SPREUKE‬ ‭3‬:‭25‬-‭26‬ ‭AFR53‬‬

“Wees nie bevrees nie, want Ek is met jou; kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende regterhand.”
‭‭JESAJA‬ ‭41‬:‭10‬ ‭AFR53‬‬

Spreuke 31 sê dat die goddelike vrou nie bang is vir moeilike tye nie, want sy weet haar gesin word beskerm deur die bloed van Jesus. Sy is vol krag en lag oor die toekoms.

“Lamed. Sy is nie bevrees vir haar huisgesin vanweë die sneeu nie, want haar hele huisgesin dra skarlaken stof. 
Ajin. Sterkte en eer is haar kleed, en sy lag oor die dag wat kom.”
‭‭SPREUKE‬ ‭31‬:‭21‬, ‭25‬ ‭AFR53‬‬

“Mem. Hy vrees nie vir slegte tyding nie; Noen. sy hart is gerus, vol vertroue op die Here.”
‭‭PSALMS‬ ‭112‬:‭7‬ ‭AFR53‬‬

“MAAR nou, so sê die Here, jou Skepper, o Jakob, en jou Formeerder, o Israel: Wees nie bevrees nie, want Ek het jou verlos; Ek het jou by jou naam geroep; jy is myne! As jy deur die water gaan, is Ek by jou; en deur die riviere — hulle sal jou nie oorstroom nie; as jy deur vuur gaan, sal jy jou nie skroei nie, en die vlam sal jou nie brand nie.”
‭‭JESAJA‬ ‭43‬:‭1‬-‭2‬ ‭AFR53‬‬

Deel jou vrese met Jesus en nie met mense wat dit erger maak nie. Ons moet mekaar motiveer en help om meer op God te vertrou. 

“Werp al julle bekommernis op Hom, want Hy sorg vir julle.”
‭‭I PETRUS‬ ‭5‬:‭7‬ ‭AFR53‬‬

“Wees oor niks besorg nie, maar laat julle begeertes in alles deur gebed en smeking met danksegging bekend word by God.”
‭‭FILIPPENSE‬ ‭4‬:‭6‬ ‭AFR53‬‬

Ons moenie vrees vir die toekoms nie. Ons moet op God vertrou sodat ons vol krag en liefde kan wees.

“Want God het ons nie 'n gees van vreesagtigheid gegee nie, maar van krag en liefde en selfbeheersing.”
‭‭II TIMÓTHEÜS‬ ‭1‬:‭7‬ ‭AFR53‬‬

“Daar is geen vrees in die liefde nie; maar die volmaakte liefde dryf die vrees buite, want die vrees sluit straf in, en hy wat vrees, het nie volmaak geword in die liefde nie.”
‭‭I JOHANNES‬ ‭4‬:‭18‬ ‭AFR53‬‬