JESUS IS DIE HOOF VAN ALLE OWERHEID EN MAG

Jesus het oor die owerhede en magte triomfeer met Sy kruisdood en opstanding. Wanneer ons beklee is met Jesus verkry ons outoriteit oor dieselfde owerhede, magte, wêreldheersers van die duisternis, bose geeste in die lug en die listige planne van die duiwel. Jesus het die dood oorwin en daarom hou die dood geen gevaar vir ons in nie. Jesus is die hoof van alle Christene en van alle owerhede en magte.

“Want in Hom woon al die volheid van die Godheid liggaamlik; en julle het die volheid in Hom wat die Hoof is van alle owerheid en mag;

nadat Hy die owerhede en magte uitgeklee en hulle in die openbaar tentoongestel en daardeur oor hulle getriomfeer het.”

‭‭KOLOSSENSE‬ ‭2‬:‭9‬-‭10‬, ‭15‬ ‭AFR53‬‬

“Trek die volle wapenrusting van God aan, sodat julle staande kan bly teen die liste van die duiwel. Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug. Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly.”

‭‭EFÉSIËRS‬ ‭6‬:‭11‬-‭13‬ ‭AFR53‬‬

“Kyk, Ek gee aan julle die mag om op slange en skerpioene te trap, en oor al die krag van die vyand; en niks sal julle ooit skade doen nie.”

‭‭LUKAS‬ ‭10‬:‭19‬ ‭AFR53‬‬

“Voorwaar Ek sê vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.”

‭‭MATTHÉÜS‬ ‭18‬:‭18‬ ‭AFR53‬‬

“Want hierdie verganklike moet met onverganklikheid beklee word, en hierdie sterflike moet met onsterflikheid beklee word. En wanneer hierdie verganklike met onverganklikheid beklee is en hierdie sterflike met onsterflikheid beklee is, dan sal vervul word die woord wat geskrywe is: Die dood is verslind in die oorwinning. Dood, waar is jou angel? Doderyk, waar is jou oorwinning? Die angel van die dood is die sonde, en die krag van die sonde is die wet. Maar God sy dank, wat ons die oorwinning gee deur onse Here Jesus Christus. Daarom, my geliefde broeders, wees standvastig, onbeweeglik, altyd oorvloedig in die werk van die Here, omdat julle weet dat julle arbeid in die Here nie tevergeefs is nie.”

‭‭I KORINTHIËRS‬ ‭15‬:‭53‬-‭58‬ ‭AFR53‬‬

“wat Hy gewerk het in Christus toe Hy Hom uit die dode opgewek het en Hom laat sit het aan sy regterhand in die hemele, bo alle owerheid en mag en krag en heerskappy en elke naam wat genoem word, nie alleen in hierdie wêreld nie, maar ook in die toekomstige. En Hy het alle dinge onder sy voete onderwerp en Hom as Hoof bo alle dinge aan die gemeente gegee, wat sy liggaam is, die volheid van Hom wat alles in almal vervul.”

‭‭EFÉSIËRS‬ ‭1‬:‭20‬-‭23‬ ‭AFR53‬‬