‘N VOLLE OPENBARING

Paulus het gebid dat Filémon se geloof vir hom ‘n dieper begrip sal gee van elke goeie ding wat hy reeds deur Christus ontvang het. 

“dat die gemeenskap van jou geloof kragtig mag word deur die kennis van alles wat goed in julle is, tot eer van Christus Jesus.”
‭‭FILÉMON‬ ‭1‬:‭6‬ ‭AFR53‬‬

Philemon 1:6 TPT
I pray for you that the faith we share may effectively deepen your understanding of every good thing that belongs to you in Christ.

Elke Christen benodig ‘n volle openbaring oor Jesus se dood en opstanding. Die Griekse woord “tetelestai” beteken dat Jesus volledig en finaal betaal het vir elke sonde, siekte, gebrek en probleem. 

“En toe Jesus die asyn geneem het, sê Hy: Dit is volbring! En Hy het sy hoof gebuig en die gees gegee.”
‭‭JOHANNES‬ ‭19‬:‭30‬ ‭AFR53‬‬

Ons benodig ‘n openbaring van Jesus se liefde sodat ons kan sien dat Heilige Gees deur ons wil werk. ‘n Volle openbaring van Jesus sal jou laat besef dat Jesus jou so lief het en vertrou, dat jy met Sy werk kan voortgaan.

“Daarom — vandat ek gehoor het van die geloof in die Here Jesus wat onder julle is en die liefde tot al die heiliges — hou ek ook nie op om vir julle te dank as ek aan julle in my gebede dink nie, dat die God van onse Here Jesus Christus, die Vader van die heerlikheid, aan julle die Gees van wysheid en openbaring in kennis van Hom mag gee, verligte oë van julle verstand, sodat julle kan weet wat die hoop van sy roeping en wat die rykdom van die heerlikheid van sy erfdeel onder die heiliges is; en wat die uitnemende grootheid van sy krag is vir ons wat glo, na die werking van die krag van sy sterkte wat Hy gewerk het in Christus toe Hy Hom uit die dode opgewek het en Hom laat sit het aan sy regterhand in die hemele, bo alle owerheid en mag en krag en heerskappy en elke naam wat genoem word, nie alleen in hierdie wêreld nie, maar ook in die toekomstige. En Hy het alle dinge onder sy voete onderwerp en Hom as Hoof bo alle dinge aan die gemeente gegee, wat sy liggaam is, die volheid van Hom wat alles in almal vervul.”
‭‭EFÉSIËRS‬ ‭1‬:‭15‬-‭23‬ ‭AFR53‬‬

“OM hierdie rede buig ek my knieë voor die Vader van onse Here Jesus Christus, van wie elke geslag in die hemele en op die aarde sy naam ontvang, dat Hy aan julle mag gee na die rykdom van sy heerlikheid om met krag versterk te word deur sy Gees in die innerlike mens, sodat Christus deur die geloof in julle harte kan woon, julle wat in die liefde gewortel en gegrond is, en julle in staat kan wees om saam met al die heiliges ten volle te begryp wat die breedte en lengte en diepte en hoogte is, en die liefde van Christus te ken wat die kennis oortref, sodat julle vervul kan word tot al die volheid van God. En aan Hom wat mag het om te doen ver bo alles wat ons bid of dink, volgens die krag wat in ons werk, aan Hom die heerlikheid in die gemeente in Christus Jesus deur alle geslagte tot in ewigheid! Amen.”
‭‭EFÉSIËRS‬ ‭3‬:‭14‬-‭21‬ ‭AFR53‬‬