ONS IS KINDERS VAN GOD

Ons is almal uit die vlees gebore, maar wanneer ons Jesus aanvaar word ons uit die Gees gebore (wedergeboorte) - Johannes 3:3. Ons is dan kinders van God. God se plan vir elke mens is om ‘n kind van God te wees. So baie mense skaam hulle oor hul agtergrond. Hulle hou nie van hulle familie, velkleur, ras, geslag of verlede nie. Hierdie dinge is van geen belang nie. Wanneer jy Jesus aanvaar is jy ‘n kind van God en jy het ‘n nuwe perfekte Vader. Jy is nou vry en ‘n erfgenaam van God deur Jesus. Jou erfporsie is die ewige lewe, maar ook rus, vrede, genade gawes en ‘n lewe in oorvloed op aarde. Jy het nou Heilige Gees wat jou kan help om alles te doen wat God in jou boek geskryf het - Psalms 139:16. In moeilike tye weet ons dat ons Vader altyd met ons is.

“Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo; wat nie uit die bloed of uit die wil van die vlees of uit die wil van 'n man nie, maar uit God gebore is.”
‭‭JOHANNES‬ ‭1‬:‭12‬-‭13‬ ‭AFR53‬‬

“deurdat Hy ons voorbeskik het om ons as sy kinders vir Homself aan te neem deur Jesus Christus, na die welbehae van sy wil,”
‭‭EFÉSIËRS‬ ‭1‬:‭5‬ ‭AFR53‬‬

“Daarom dan, broeders, is ons skuldenaars, nie aan die vlees om na die vlees te lewe nie; want as julle na die vlees lewe, sal julle sterwe, maar as julle deur die Gees die werke van die liggaam doodmaak, sal julle lewe. Want almal wat deur die Gees van God gelei word, dié is kinders van God. Want julle het nie ontvang 'n gees van slawerny om weer te vrees nie, maar julle het ontvang die Gees van aanneming tot kinders, deur wie ons roep: Abba, Vader! Die Gees self getuig saam met ons gees dat ons kinders van God is; en as ons kinders is, dan ook erfgename, erfgename van God en mede-erfgename van Christus, as ons naamlik saam met Hom ly, sodat ons ook saam met Hom verheerlik kan word.”
‭‭ROMEINE‬ ‭8‬:‭12‬-‭17‬ ‭AFR53‬‬

“Want julle is almal kinders van God deur die geloof in Christus Jesus; want julle almal wat in Christus gedoop is, het julle met Christus beklee. Daar is nie meer Jood of Griek nie, daar is nie meer slaaf of vryman nie, daar is nie meer man en vrou nie; want julle is almal een in Christus Jesus. En as julle aan Christus behoort, dan is julle die nageslag van Abraham en volgens die belofte erfgename.”
‭‭GALÁSIËRS‬ ‭3‬:‭26‬-‭29‬ ‭AFR53‬‬

“Maar toe die volheid van die tyd gekom het, het God sy Seun uitgestuur, gebore uit 'n vrou, gebore onder die wet, om die wat onder die wet was, los te koop, sodat ons die aanneming tot kinders kan ontvang. En omdat julle kinders is, het God die Gees van sy Seun in julle harte uitgestuur, en Hy roep: Abba, Vader! Daarom is jy nie meer dienskneg nie, maar kind; en as jy kind is, dan ook erfgenaam van God deur Christus.”
‭‭GALÁSIËRS‬ ‭4‬:‭4‬-‭7‬ ‭AFR53‬‬

“Maar ons, broeders, is soos Isak, kinders van die belofte; maar soos destyds hy wat na die vlees gebore is, hom wat na die Gees was, vervolg het, so is dit nou ook. Maar wat sê die Skrif? Werp die slavin en haar seun uit, want nooit mag die seun van die slavin saam met die seun van die vrye erwe nie. Daarom, broeders, ons is nie kinders van die slavin nie, maar van die vrye.”
‭‭GALÁSIËRS‬ ‭4‬:‭28‬-‭31‬ AFR53‬‬

“KYK wat 'n groot liefde die Vader aan ons bewys het, dat ons kinders van God genoem kan word! Om hierdie rede ken die wêreld ons nie, omdat dit Hom nie geken het nie. Geliefdes, nou is ons kinders van God, en dit is nog nie geopenbaar wat ons sal wees nie; maar ons weet dat ons, as Hy verskyn, aan Hom gelyk sal wees, omdat ons Hom sal sien soos Hy is.”
‭‭I JOHANNES‬ ‭3‬:‭1‬-‭2‬ ‭AFR53‬‬

“Salig is die vredemakers, want hulle sal kinders van God genoem word.”
‭‭MATTHÉÜS‬ ‭5‬:‭9‬ ‭AFR53‬‬

“Want hulle kan ook nie meer sterwe nie, want hulle is soos die engele en is kinders van God, omdat hulle kinders van die opstanding is.”
‭‭LUKAS‬ ‭20‬:‭36‬ ‭AFR53‬‬

“Daarom, gaan onder hulle uit en sonder julle af, spreek die Here; en raak nie aan wat onrein is nie, en Ek sal julle aanneem; en Ek sal vir julle 'n Vader wees, en julle sal vir My seuns en dogters wees, spreek die Here, die Almagtige.”
‭‭II KORINTHIËRS‬ ‭6‬:‭17‬-‭18‬ ‭AFR53‬‬

“En julle het die vermaning heeltemal vergeet wat tot julle as seuns spreek: My seun, ag die tugtiging van die Here nie gering nie en beswyk nie as jy deur Hom bestraf word nie; want die Here tugtig hom wat Hy liefhet, en Hy kasty elke seun wat Hy aanneem. As julle die tugtiging verdra, behandel God julle as seuns; want watter seun is daar wat die vader nie tugtig nie? Maar as julle sonder tugtiging is, wat almal deelagtig geword het, dan is julle onegte kinders en nie seuns nie. Verder, ons het ons vaders na die vlees as kastyders gehad, en ons het vir hulle ontsag gehad; moet ons nie veel meer aan die Vader van die geeste onderworpe wees en lewe nie? Want húlle het ons wel 'n kort tydjie na hulle beste wete getugtig; maar Hy tot ons beswil, sodat ons sy heiligheid kan deelagtig word. Nou lyk elke tugtiging of dit op die oomblik nie 'n saak van blydskap is nie, maar van droefheid; later lewer dit egter 'n vredevolle vrug van geregtigheid vir die wat daardeur geoefen is.”
‭‭HEBREËRS‬ ‭12‬:‭5‬-‭11‬ ‭AFR53‬‬