Jesus was die rots in die Ou Testament. Ons weet Moses moes die rots slaan en later moes hy met die rots praat, om water te verskaf.

“en almal dieselfde geestelike drank gedrink het, want hulle het gedrink uit 'n geestelike rots wat gevolg het, en die rots was Christus.”
‭‭I KORINTHIËRS‬ ‭10‬:‭4‬ ‭AFR53‬‬‬‬‬‬‬

Jesus was die rots in die Nuwe Testament.

“Hy sê vir hulle: Maar julle, wie sê julle is Ek? En Simon Petrus antwoord en sê: U is die Christus, die Seun van die lewende God. Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is. En Ek sê ook vir jou: Jy is Petrus, en op hierdie rots sal Ek my gemeente bou, en die poorte van die doderyk sal dit nie oorweldig nie. En Ek sal jou die sleutels van die koninkryk van die hemele gee; en wat jy ook op die aarde mag bind, sal in die hemel gebonde wees, en wat jy ook op die aarde mag ontbind, sal in die hemel ontbonde wees.”
‭‭MATTHÉÜS‬ ‭16‬:‭15‬-‭19‬ ‭AFR53‬‬‬‬‬‬‬‬

1 Korinthiërs 1

Korinthe is in Griekeland. Dit moes oor die jare baie keer herbou word. Daar was aardbewings en ‘n vuur het dit verwoes. Die ruïnes van die tempel van Apollo is steeds daar. Paulus het Korinthe besoek op sy derde reis. Hy het 18 maande daar gebly en vir Priscilla en Aquila daar ontmoet. Later (53-55 n.C.) skryf hy aan Korinthe vanuit Efése.

Korinthe was in ‘n area vol afgodsaanbidding, maar dit was nie die enigste probleem nie. Die Jode was so godsdienstig en vol van die wet dat hulle Christene vervolg het. Die Romeinse hof wou nie betrokke raak nie en godsdienstige mense sou Christene openlik aanval voor die Romeine (Handelinge 18). Gelukkig het sommige van hulle tot inkeer gekom. Joodse leiers van die sinagoge (Crispus en Sósthenes) het tot bekering gekom. Die grootste probleem was egter onenigheid tussen gemeentelede.

Vandag sien ons openlike satan aanbidding en ons sien ook hoe godsdienstige mense Christene aanval. Gelukkig kom mense ook tot bekering en kan hulle ‘n verskil maak. Ek glo ons grootste probleem is egter steeds Christene wat nie kan saamwerk nie. ‘n Verdeelde huis kan nie bly staan nie.

Paulus sluit die hoofstuk af deur ons te herinner dat die wysheid van hierdie wêreld niks anders as dwaasheid is nie. As jy steeds alles glo wat die wêreld vir jou vertel is dit tyd dat jy weer 1 Korinthiërs 1:17-31 lees. Die wêreld ken nie vir Jesus nie. Wêreldse leiers het nie goeie planne vir jou lewe nie. Slegs die krag en wysheid van God kan jou deur hierdie stormagtige periode dra.

“Christus, die krag van God en die wysheid van God.”
-       1 Korinthiërs 1:24b

Johannes 13

Jesus het die aand voor die Pasga Sy dissipels bymekaar gekry. Jesus het geweet dit is die laaste aand voor Sy kruisiging. Terwyl hulle om die tafel sit het Jesus opgestaan. Hy het Sy bokleed uitgetrek en ‘n doek om Hom gesit en die voete van die 12 dissipels gewas. Petrus het gedink dit is onvanpas vir die Meester om Sy volgelinge se voete te was.

“Hy kom toe by Simon Petrus en dié sê vir Hom: Here, gaan U my voete was? Jesus antwoord en sê vir hom: Wat Ek doen, begryp jy nou nie, maar jy sal dit hierna verstaan. Petrus sê vir Hom: U sal my voete in der ewigheid nie was nie! Jesus antwoord hom: As Ek jou nie was nie, het jy geen deel aan My nie. Simon Petrus sê vir Hom: Here, nie net my voete nie, maar ook die hande en die hoof. Jesus sê vir hom: Hy wat gewas is, het niks anders nodig as om die voete te was nie, maar is heeltemal rein; en julle is rein, maar nie almal nie.”

“kom 'n vrou na Hom met 'n albaste fles met baie kosbare salf, en sy gooi dit op sy hoof uit terwyl Hy aan tafel was.”

‭‭MATTHÉÜS‬ ‭26‬:‭7‬ ‭AFR53‬‬

Al 4 evangelies het die gebeurtenis aangeteken, maar hulle verskil van mekaar. ‘n Vrou het ingekom met ‘n fles nardusolie en Jesus se kop en of voete gesalf. Volgens Matthéüs, Markus en Lukas het ‘n sondares vir Jesus gesalf. Volgens Johannes was die vrou Maria, die suster van Lasarus en Martha. Later in Lukas 8:2 lees ons dat Jesus 7 duiwels uit Maria Magdaléna gedryf het. Gevolglik glo sommige mense dat Maria Magdalena die vrou by Jesus se voete was. Maria se trane het op Jesus se voete gedrup en sy het haar hare gebruik om Hom af te droog. Sommige mense dink Jesus was by 3 etes en 3 vroue het Hom gesalf. ‘n Mens kan vaskyk teen die verskille in die 4 evangelies of ‘n mens kan kyk na die simboliek in elkeen:

Lees Matthéüs 8:23-27, Markus 4:35-41 en Lukas 8:22-25.

Jesus het op boot geklim en die dissipels het Hom gevolg. Hulle was oppad na die oorkant van die see. Jesus was aan die slaap toe ‘n storm uitbreek. Die water het die boot begin vul. Die dissipels was bekommerd en het Jesus wakker gemaak en Hom beskuldig dat Hy hulle wil laat vergaan.
Jesus het die wind en die see bestraf en die storm het stil geword. Jesus het die dissipels kleingelowiges genoem omdat hulle bang was.

Soms volg ons Jesus en dinge loop steeds verkeerd. Veral wanneer jy oppad is na jou “anderkant van die see”. Die vyand wil nie hê dat jy aan die anderkant moet uitkom nie. Wanneer ‘n storm kom moet ons nie Jesus beskuldig nie. Ons moenie kleingelowig wees en die ergste verwag nie.
Die dissipels moes hulleself afvra  - ‘Wie is hierdie Man (Jesus)?’
Wanneer jy Jesus leer ken kan jy jou identiteit en outoriteit ontdek.
Dan neem jy aksie en spreek jyself die dinge aan wat teen jou is, in die Naam van Jesus. Daar is ‘n tyd om stil te sit, te wag en te bid, maar hierdie is  ‘n geval waar jyself, in die Naam van Jesus, moet optree. Miskien lyk dit vir jou dat Jesus slaap, want Hy tree nie op nie, want jy moet. Bestraf jou probleme en maak die storm in jou lewe stil.

Die nommer 444 word algemeen beskou as die nommer van die profeet of die wat afgesonder is vir God. Lees die volgende verse:

Johannes 4:44

Jesaja 44:4

Jeremia 44:4

Eségiël 44:4

2 Konings 4:44
 

Hierdie mense het gewoonlik God se guns ervaar omdat hulle hulself afgesonder het vir God.  

“For they got not the land [of Canaan] in possession by their own sword, neither did their own arm save them; but Your right hand and Your arm and the light of Your countenance [did it], because You were favorable toward and did delight in them. You are my King, O God; command victories and deliverance for Jacob (Israel).”  

 

“IN die sterfjaar van koning Ussía het ek die Here sien sit op 'n hoë en verhewe troon, terwyl sy some die tempel gevul het.

Serafs het bo Hom gestaan; elkeen het ses vlerke gehad: met twee het hy sy aangesig bedek, en met twee het hy sy voete bedek, en met twee het hy gevlieg.

En die een het die ander toegeroep en gesê: Heilig, heilig, heilig is die Here van die leërskare. Die hele aarde is van sy heerlikheid vol!

2 Kronieke 26

Ussía was net 16 jaar oud toe hy koning oor Juda geword het. Ussía was koning vir 52 jaar lank. Die naam Ussía (Strong’s H5818) beteken “God is my krag”. Koning Ussía was baie suksesvol, want God was met hom.

“En hy het gedoen wat reg was in die oë van die Here net soos sy vader Amásia gedoen het. 
En hy het God gedurig gesoek in die dae van Sagaría, wat onderrig gegee het in die vrees van God. En in die dae dat hy die Here gesoek het, het God hom voorspoedig gemaak.”
‭‭II KRONIEKE‬ ‭26‬:‭4‬-‭5‬ ‭AFR53‬

Exodus 2-6, Númeri 1, 12, 16, 20

God het vir ons elkeen ‘n  roeping. Partykeer raak mense verward en wil hulle familie lede se roeping volg. Kyk na Aäron, Moses, Mirjam en Korag se lewens. Hulle was almal Leviete.

LEVIETE:
Abraham en Sara het ‘n seun Isak gehad.
Isak en Rebekka het 2 seuns Esau en Jakob gehad.
Jakob en Lea het 4 seuns gehad. Hulle derde seun was Levi.
Jakob het 12 seuns gehad waaruit die 12 stamme van Israel gevorm is
Levi het 3 seuns gehad, Gerson, Kehat en Mérari.
Kehat het 4 seuns gehad, Amram, Jishar, Hebron en Ussiël.
Amram en sy tante Jogébed was die ouers van Aäron, Mirjam en Moses.
Jishar (Amram se broer) het ‘n seun met die naam Korag gehad. Korag was dus Moses se neef.