I’m passionate about following God and helping people reach their destiny.

Blogs

LIG VAN DIE LEWE

Ek het onlangs in ‘n artikel gelees dat wetenskaplikes moontlik tande kan laat teruggroei deur lig te gebruik. Die nuutste velprodukte belowe ook ‘n “glow”. Tot die wêreld besef dat lig nodig is om dinge beter te maak.

Wanneer God op die toneel verskyn bring Hy lig en daar is ‘n duidelike skeiding tussen lig en duisternis. Die heerlikheid is Sy lig wat hoop, verandering, genesing en verlossing bring.

“IN die begin het God die hemel en die aarde geskape. En die aarde was woes en leeg, en duisternis was op die wêreldvloed, en die Gees van God het gesweef op die waters. En God het gesê: Laat daar lig wees! En daar was lig. Toe sien God dat die lig goed was. En God het skeiding gemaak tussen die lig en die duisternis; en God het die lig dag genoem, en die duisternis het Hy nag genoem. En dit was aand en dit was môre, die eerste dag.”
‭‭GÉNESIS‬ ‭1‬:‭1‬-‭5‬ ‭AFR53‬‬

Blogs

DIE SKUILPLEK

Moses het God se heerlikheid gesien vanuit ‘n skeur in die rots. Die rots was Jesus. Vanuit ‘n posisie van intimiteit het Moses God se heerlikheid gesien. God het ook die geskiedenis van die wêreld met Moses gedeel sodat hy die eerste 4 boeke van die Bybel kon skryf. Moses was vir 40 dae in die wolk van heerlikheid, op die berg Sinai, om die wet te ontvang. In die skuilplek by die Allerhoogste het Moses openbaring van God ontvang en die heerlikheid van God gesien.

Blogs

TENT

God dwelled in the tabernacle tent and later in the glorious temple. When Jesus came God stopped living inside manmade buidings. God’s Spirit now lives inside His people. When Jesus knocked at the door we invited Him into our lives. When Jesus left He sent a comforter; the lifegiving Spirit can now live inside us. Our earthly tent is only temporary. One day we will receive an eternal building in Heaven.

Blogs

HOE LYK JY?

Die mens is gemaak na die beeld van God. In die Nuwe Testament kry ons opdrag om meer soos Jesus te word. Jesus was liefdevol, sonder sonde en het outoriteit oor elke bose gees en siekte gehad. Waarom lyk ons dan nog nie soos Jesus nie?

“Die Here is die Gees, en waar die Gees van die Here is, daar is vryheid. En terwyl ons almal met onbedekte gesig soos in 'n spieël die heerlikheid van die Here aanskou, word ons van gedaante verander na dieselfde beeld, van heerlikheid tot heerlikheid, as deur die Here wat die Gees is.”
‭‭II KORINTHIËRS‬ ‭3‬:‭17‬-‭18‬ ‭AFR53‬‬

Blogs

AZUSA STRAAT HERLEWING

In die vroeë 1900’s het God ‘n eenoog, seun van slawe - William J. Seymour - gebruik om herlewing te bring. As ‘n swartman kon Seymour nie Bybelskool bywoon nie. William moes in die gang, buite die oop deur, sit en leer by Charles Palmer.

William Seymour het werk as ‘n prediker gekry, maar na sy eerste preek het die leierskap hom uit die kerkgebou gesluit. Nie almal wou die waarheid hoor nie. Gelukkig het ‘n gemeentelid hom na sy huis genooi om daar te preek. Vinnig was die huis oorvol van mense wat honger was vir meer van Jesus. Strate ver was mense aangeraak deur Heilige Gees. Die polisie moes ingryp en William moes ‘n nuwe gebou vind. ‘n Stal was beskikbaar en Heilige Gees het William gelei na ‘n groep jong vroue wat gehelp het met die eerste huurgeld. Die jong vroue en die mense van die huiskerk moes die stal self skoonmaak en planke is bo-op kratte geplaas as sitplekke. Jesus is in ‘n nederige stal gebore en nederige William Seymour kon ook in ‘n nederige stal preek.

Blogs

DIE HELE AARDE IS VAN SY HEERLIKHEID VOL

Die jaar wat die koning sterf het Jesaja die Here op Sy troon gesien. Wanneer ‘n regeerder sterf is daar altyd geleentheid vir ‘n nuwe begin. Jesaja het serafs (engele van vuur) gesien wat eer aan God gebring het. Die aarde was vol van God se heerlikheid en Jesaja het sy roeping aanvaar as profeet.

“IN die sterfjaar van koning Ussía het ek die Here sien sit op 'n hoë en verhewe troon, terwyl sy some die tempel gevul het. Serafs het bo Hom gestaan; elkeen het ses vlerke gehad: met twee het hy sy aangesig bedek, en met twee het hy sy voete bedek, en met twee het hy gevlieg. En die een het die ander toegeroep en gesê: Heilig, heilig, heilig is die Here van die leërskare. Die hele aarde is van sy heerlikheid vol! En die drumpelposte het gebewe van die geluid van die roepers, en die huis het vol rook geword.”

‭‭JESAJA‬ ‭6‬:‭1‬-‭4‬ ‭AFR53‬‬

Dis belangrik om te kyk wat voor en na Jesaja se ondervinding gebeur het. Die mense van Juda het God verwerp en in sonde geleef. Gevolglik het God sy beskerming weggeneem.

• Die mense het eiendom versamel,

• hulle het gedink hulle is “cool” wanneer hulle sterk drank drink en

• geleef asof God nie bestaan nie.

• Hulle het sleg goed genoem en goed sleg genoem.

• Hulle was wys in hulle eie oë en

• hulle het omkoopgeld ontvang om skuldiges regverdig te verklaar en die reg van regverdiges ontneem.

• Hulle het God verwerp.

• Daar was ‘n angsvolle duisternis op aarde.

“Wee hulle wat vroeg in die môre klaarmaak om sterk drank na te jaag, wat in die nag láát opbly terwyl die wyn hulle verhit. En daar is siter en harp, tamboeryn en fluit en wyn by hulle maaltyd; maar op die dade van die Here gee hulle geen ag nie, en die werk van sy hande sien hulle nie. Daarom gaan my volk in ballingskap weens gebrek aan kennis, en hulle aansienlikes word hongerlyers en hulle menigte versmag van dors. Wee hulle wat sleg goed noem en goed sleg, wat die duisternis lig maak en die lig duisternis, wat bitter soet maak en soet bitter. Wee hulle wat in eie oë wys en na eie oordeel verstandig is. Wee hulle wat helde is om wyn te drink en wakker manne om sterk drank te meng; wat vir 'n omkoopgeskenk die skuldige regverdig verklaar en die reg van die regverdige hom ontneem. Daarom, soos die vuurtong stoppels verteer en droë gras in die vlam inmekaarsak, so sal hulle wortel soos poeier word en hulle uitspruitsel soos stof opstuiwe; omdat hulle die wet van die Here van die leërskare verwerp het en die woord van die Heilige van Israel verag het. En in dié dag sal dit oor hulle dreun soos die gedreun van die see. As iemand die aarde aanskou, kyk, daar is angsvolle duisternis; en die lig is verduister deur die wolke.”

‭‭JESAJA‬ ‭5‬:‭11‬-‭13‬, ‭20‬-‭24‬, ‭30‬ ‭AFR53‬‬

God het Jesaja gebruik om in ‘n baie donker tydperk te profeteer dat Immánuel (God met ons) sal kom. Jesaja het geleef in dit tyd van die eerste tempel, meer as 700 jaar voor Jesus se geboorte.

“Daarom sal die Here self aan julle 'n teken gee: Kyk, die maagd sal swanger word en 'n seun baar en hom Immánuel noem. Dikmelk en heuning sal hy eet as hy weet om te verwerp wat kwaad is en om te kies wat goed is. Want voordat die seuntjie weet om te verwerp wat kwaad is en te kies wat goed is, sal die land vir wie se twee konings jy bang is, verlate wees.”

‭‭JESAJA‬ ‭7‬:‭14‬-‭16‬ ‭AFR53‬‬

Met Jesus se geboorte en die 3,5 jaar van Sy bediening was God se heerlikheid sigbaar.

“EN daar was herders in dieselfde landstreek, wat in die oop veld gebly en in die nag oor hulle skape wag gehou het. En meteens staan daar 'n engel van die Here by hulle, en die heerlikheid van die Here het rondom hulle geskyn en groot vrees het hulle oorweldig. En die engel sê vir hulle: Moenie vrees nie, want kyk, ek bring julle 'n goeie tyding van groot blydskap wat vir die hele volk sal wees, dat vir julle vandag in die stad van Dawid gebore is die Saligmaker wat Christus, die Here, is. En dit is vir julle die teken: julle sal 'n Kindjie vind wat in doeke toegedraai is en wat in die krip lê. En skielik was daar saam met die engel 'n menigte van die hemelse leërskare wat God prys en sê: Eer aan God in die hoogste hemele en vrede op aarde, in die mense 'n welbehae!”

‭‭LUKAS‬ ‭2‬:‭8‬-‭14‬ ‭AFR53‬‬

Jesaja het later weer oor God se heerlikheid profeteer. Hy het gesê wanneer die aarde donker is sal die heerlikheid kom. Ons sien baie van donkerte nou en ek glo baie van ons het wakker geskrik en besef God wil ons gebruik om Sy heerlikheid te bring. Ander profete het ook profeteer oor God se heerlikheid.

“En die heerlikheid van die Here sal geopenbaar word, en alle vlees tesame sal dit sien: want die mond van die Here het dit gespreek.”

‭‭JESAJA‬ ‭40‬:‭5‬ ‭AFR53‬‬

“STAAN op, word verlig; want jou lig kom, en die heerlikheid van die Here gaan oor jou op. Want kyk, die duisternis sal die aarde oordek en donkerheid die volke; maar oor jóú sal die Here opgaan, en sy heerlikheid sal oor jou gesien word. En nasies sal trek na jou lig, en konings na jou stralende opgang.”

‭‭JESAJA‬ ‭60‬:‭1‬-‭3‬ ‭AFR53‬‬

“Want so sê die Here van die leërskare: 'n Rukkie nog, 'n kort tydjie, dan sal Ek die hemel en die aarde en die see en die droë grond laat bewe. Ek sal ook al die nasies laat bewe, sodat die skatte van al die nasies sal toevloei; en Ek sal hierdie huis met heerlikheid vervul, sê die Here van die leërskare. Aan My behoort die silwer en aan My die goud, spreek die Here van die leërskare. Die toekomstige heerlikheid van hierdie huis sal groter wees as die vroeëre, sê die Here van die leërskare; en op hierdie plek sal Ek vrede gee, spreek die Here van die leërskare.”

‭‭HAGGAI‬ ‭2‬:‭6‬-‭9‬ ‭AFR53‬‬

“Want die aarde sal vol word met die kennis van die heerlikheid van die Here soos die waters die seebodem oordek.”

‭‭HÁBAKUK‬ ‭2‬:‭14‬ ‭AFR53‬‬

Daar was baie herlewings oor die jare, maar nog nooit was die hele wêreld vol van Sy heerlikheid nie. Maak jouself beskikbaar vir God sodat Hy jou kan gebruik. Jesaja en Jesus het dit gedoen en die heerlikheid gesien.

Blogs

JAKOB

JAKOB: Hakskeen gryper, vervanger, onderkruiper of verdringer

“En daarna is sy broer gebore, terwyl sy hand die hakskeen van Esau vashou. Daarom het hulle hom Jakob genoem. En Isak was sestig jaar oud by hulle geboorte.”
‭‭GÉNESIS‬ ‭25‬:‭26‬ ‭AFR53‬‬

BERSÉBA: Put van die eed of sewende put. God het voorsiening gemaak vir Isak en sy nageslag.
Isak, Rebekka, Jakob en Esau het in Berséba gewoon. God het hier aan Isak verskyn en selfs Abiméleg kon sien dat Isak “‘n geseënde van die Here” was.

Blogs

Profeteer en spreek in tale

Kom ons kyk wat sê die Bybel oor profesie en tale.

• Dit is God se wil dat ons profeteer en in tale spreek.

• Dit moet tot die opbou van die mense wees.

• ‘n Negatiewe profesie moet in die vorm van ‘n waarskuwing kom sodat daar ruimte is vir groei en restorasie.

• Moenie persoonlike profesie gebruik om iemand voor ander re verkleineer nie.

• Tale MOET opgevolg word met ‘n uitlegging wanneer dit in die openbaar (of kerk) gespreek word.

• Profete moet mekaar beoordeel.

• Profesie kom van die hart van God.

• Profeteer in liefde.

• Alles moet ordelik verloop.

“JAAG die liefde na, en beywer julle met die oog op die geestelike gawes, maar veral om te profeteer. Want hy wat in 'n taal spreek, spreek nie tot mense nie, maar tot God; want niemand verstaan dit nie, maar deur die Gees spreek hy verborgenhede.”

‭‭I KORINTHIËRS‬ ‭14‬:‭1‬-‭2‬ ‭AFR53‬‬

“En as iemand in 'n taal spreek, laat dit dan wees twee of hoogstens drie, en by beurte; en laat een dit uitlê. Maar as daar geen uitlêer is nie, laat hy in die gemeente swyg, en laat hy met homself en met God spreek. Laat twee of drie profete spreek en die ander dit beoordeel. Maar as daar iets geopenbaar is aan 'n ander wat daar sit, laat die eerste swyg. Want julle kan almal een vir een profeteer, sodat almal kan leer en almal bemoedig word.”

‭‭I KORINTHIËRS‬ ‭14‬:‭27‬-‭31‬ ‭AFR53‬‬

“As iemand meen dat hy 'n profeet of 'n geestelike mens is, moet hy erken dat wat ek aan julle skrywe, bevele van die Here is. Maar as iemand onkundig is, laat hom onkundig bly. Daarom, broeders, beywer julle om te profeteer en moenie verhinder dat daar in tale gespreek word nie. Laat alles welvoeglik en ordelik toegaan.”

‭‭I KORINTHIËRS‬ ‭14‬:‭37‬-‭40‬ ‭AFR53‬‬

Blogs

Maak seker dat jy nie val nie

“Daarom, wie meen dat hy staan, moet oppas dat hy nie val nie.”

‭‭I KORINTHIËRS‬ ‭10‬:‭12‬ ‭AFR53‬‬

Die Israeliete is saam met Moses gedoop in die wolk en die Rooi See. Hulle het almal saam manna uit die Hemel geëet en water uit die rots gedrink. God was ongelukkig met hulle aksies en die meeste van die Israeliete het nooit die Beloofde Land gesien nie. Dit is ‘n waarskuwing aan ons dat kerk, doop, nagmaal en die sien van wonderwerke ons nie red nie. Slegs ‘n persoonlike verhouding met Jesus red ons.