Soek Eers Die Koninkryk Van God

“Maar soek eers die koninkryk van God en sy geregtigheid, en al hierdie dinge sal vir julle bygevoeg word.”
‭‭MATTHÉÜS‬ ‭6:33‬ ‭AFR53‬‬

Wat is “al hierdie dinge”?

Salomo was jonk toe hy koning word en het geweet hy het God nodig om suksesvol te regeer. Toe hy die geleentheid gehad het om rykdom te verkry het hy wysheid gekies. God het hom daarom geseën met rykdom, eer en ‘n lang lewe.

“Nou dan, Here my God, U het u kneg koning gemaak in my vader Dawid se plek; maar ek is ’n jong seun; ek weet nie om uit of in te gaan nie. En u kneg is midde onder u volk wat U verkies het, ’n groot volk wat nie getel of bereken kan word weens die menigte nie. Gee dus aan u kneg ’n opmerksame hart om reg te spreek oor u volk, om tussen goed en kwaad te onderskei, want wie sou hierdie talryke volk van U kan regeer? En dit was goed in die oë van die Here dat Salomo dit begeer het. En God het vir hom gesê: Omdat jy hierdie versoek gedoen het en nie vir jou ’n lang lewe begeer het en nie vir jou rykdom begeer het en nie die lewe van jou vyande begeer het nie, maar vir jou verstand begeer het om regsake te verhoor, so doen Ek dan volgens jou woord: Kyk, Ek gee jou ’n wyse en verstandige hart, sodat een soos jy vóór jou nie gewees het en een soos jy ná jou nie sal opstaan nie. Ja, selfs wat jy nie begeer het nie, sal Ek jou gee, rykdom sowel as eer, sodat onder die konings niemand soos jy sal wees al jou dae nie. En as jy in my weë wandel, deur my insettinge en my gebooie te onderhou, soos jou vader Dawid gewandel het, dan sal Ek jou dae verleng.”
‭‭I KONINGS‬ ‭3:7-14‬ ‭AFR53‬‬

Koning Dawid se woorde:

“Noen. Ek was jonk, ook het ek oud geword, maar nooit het ek die regverdige verlate gesien, of dat sy nageslag brood soek nie.”
‭‭PSALMS‬ ‭37:25‬ ‭AFR53‬‬

God vergoed ons vir dat wat ons verloor om Hom te volg.

“En Jesus antwoord en sê: Voorwaar Ek sê vir julle, daar is niemand wat huis of broers of susters of vader of moeder of vrou of kinders of grond ter wille van My en van die evangelie verlaat het nie, of hy ontvang nou in hierdie tyd honderd maal soveel: huise en broers en susters en moeders en kinders en grond, saam met vervolginge, en in die eeu wat kom, die ewige lewe.”
‭‭MARKUS‬ ‭10:29-30‬ ‭AFR53‬‬

Ons kan eendag die wonder van die ewige lewe in die Hemel ervaar, maar ons kan ook Hemel op aarde ervaar, wanneer ons op God vertrou.

“Want die liggaamlike oefening is tot weinig nut, maar die godsaligheid is nuttig vir alles, omdat dit die belofte van die teenwoordige en die toekomende lewe het.”
‭‭I TIMÓTHEÜS‬ ‭4:8‬ ‭AFR53‬‬

“En julle sal My soek en vind as julle na My vra met julle hele hart.”
‭‭JEREMIA‬ ‭29:13‬ ‭AFR53‬‬