VERSOEKING

Satan sal enige taktiek gebruik om jou in die versoeking te bring. Hy plaas gedagtes en begeertes in jou kop. Jy moet dit teenstaan en verwerp en kies om aan goeie en heilige dinge te dink. Die vyand stuur dikwels mense op ons pad wat ons irriteer sodat ons versoek word.

“Wees nugter en waaksaam, want julle teëstander, die duiwel, loop rond soos 'n brullende leeu en soek wie hy kan verslind. Hom moet julle teëstaan, standvastig in die geloof, omdat julle weet dat dieselfde lyding opgelê word aan julle broederskap wat in die wêreld is.”
‭‭I PETRUS‬ ‭5‬:‭8‬-‭9‬ ‭AFR53‬‬

“Verder, broeders, alles wat waar is, alles wat eerbaar is, alles wat regverdig is, alles wat rein is, alles wat lieflik is, alles wat loflik is — watter deug en watter lof daar ook mag wees, bedink dit.”
‭‭FILIPPENSE‬ ‭4‬:‭8‬ ‭AFR53‬

Versoeking kom nie van God nie.
Menslike begeerte bring versoeking.
As jy jouself laat meevoer deur die begeerte lei dit tot sonde en uiteindelik die dood.
As jy die versoeking weerstaan sal jy die kroon van die lewe ontvang.

“Salig is die man wat versoeking verdra, want as hy die toets deurstaan het, sal hy die kroon van die lewe ontvang wat die Here beloof het aan die wat Hom liefhet. Laat niemand, as hy in versoeking kom, sê: Ek word deur God versoek nie. Want God kan deur die kwaad nie versoek word nie, en self versoek Hy niemand nie. Maar elkeen word versoek as hy deur sy eie begeerlikheid weggesleep en verlok word. Daarna, as die begeerlikheid ontvang het, baar dit sonde; en as die sonde tot volle ontwikkeling gekom het, bring dit die dood voort.”
‭‭JAKOBUS‬ ‭1‬:‭12‬-‭15‬ ‭AFR53‬‬