VOLHEID VAN GOD

God is altyd goed en daar is geen einde aan Sy liefde vir jou nie. Jesus het Sy lewe uit liefde vir jou prysgegee. Jy is waardevol en God wil jou gebruik. Jy is nooit alleen nie; Heilige Gees is altyd daar vir jou. Ons het reeds alles ontvang om tot die volheid van God te kom. Paulus het gesê dat “Christus gestalte” moet kry in ons. Ons is nou die tempel van God en moet ons wil oorgee sodat Heilige Gees ten volle deur ons kan werk. Ons moet God se koninkryk bou, Sy wil doen en Hemel afbring aarde toe.

“Want in Hom woon al die volheid van die Godheid liggaamlik; en julle het die volheid in Hom wat die Hoof is van alle owerheid en mag;”
‭‭KOLOSSENSE‬ ‭2‬:‭9‬-‭10‬ ‭AFR53‬‬

“dat Hy aan julle mag gee na die rykdom van sy heerlikheid om met krag versterk te word deur sy Gees in die innerlike mens, sodat Christus deur die geloof in julle harte kan woon, julle wat in die liefde gewortel en gegrond is, en julle in staat kan wees om saam met al die heiliges ten volle te begryp wat die breedte en lengte en diepte en hoogte is, en die liefde van Christus te ken wat die kennis oortref, sodat julle vervul kan word tot al die volheid van God. En aan Hom wat mag het om te doen ver bo alles wat ons bid of dink, volgens die krag wat in ons werk, aan Hom die heerlikheid in die gemeente in Christus Jesus deur alle geslagte tot in ewigheid! Amen.”
‭‭EFÉSIËRS‬ ‭3‬:‭16‬-‭21‬ ‭AFR53‬‬

“my kinders, vir wie ek weer in barensnood is totdat Christus in julle 'n gestalte verkry.”
‭‭GALÁSIËRS‬ ‭4‬:‭19‬ ‭AFR53‬‬

“laat u koninkryk kom; laat u wil geskied, soos in die hemel net so ook op die aarde;”
‭‭MATTHÉÜS‬ ‭6‬:‭10‬ ‭AFR53‬‬